無綫小花賈曉晨(JJ)昨日為黃金海岸舉行的《心儀嫁妝婚禮展》行騷,前後共換上四套婚紗及晚裝,其中兩套低胸晚裝激晒事業線,配上名貴首飾後更明艷照人,高貴又性感。不過,美麗是有代價的,JJ坦言事前非常擔心,可謂一步一驚心:「第一次着咁低胸嘅婚紗,之前試衫時已經好驚,但都想將靚嘅一面畀大家睇。(驚唔驚走光?)唔驚!做足安全措施,件衫都好緊,但着住最性感嗰件時,都會行得特別快。(酬勞好好?)OK啦!」
緋聞嚇走追求者
提到經常行婚紗騷,JJ表示行得多也會有結婚衝動,但身邊仍未有適合的新郎哥:「成日拍戲行騷都着,但冇一次係真,只係好似發夢咁!其實都有人追,但又唔一定啱行一世。(有好感?)咁都有同人有好感嘅,不過有時未拍就傳緋聞,即刻嚇走晒啲人,加上拍拖係好私人嘅嘢,一開始啲時間會冇晒,所以都係小心啲好,依家都想放多啲時間喺事業。」她笑言工作忙碌,連有份參演的新片亦未有時間欣賞,但知道反應很好,希望有時間可抽空欣賞。
賈曉晨JJ(右)穿上婚紗恨結婚,但苦無真命天子!